D acu-ten lmeqsudat n ṛṛuḥ? D ayen akk i nxeddem s leḥṛaṛa bac a nqeddec ɣef Yahwa s tezmert-nneɣ w’a t-nessefṛeḥ. Ilha ma nsebbel si lweqt-nneɣ d lǧehd-nneɣ akken a nessiweḍ ɣer lmeqsudat-nneɣ, axaṭer d ayen ara ɣ-yawin a nţeddu ɣer zdat di leḥwayeǧ n ṛṛuḥ (1Tim 4:15). Ayɣer i glaq a nessenqad daymen lmeqsudat-nneɣ? Axaṭer liḥala-nneɣ teţbeddil daymen. Ɣef lemtel, nesɛa ahat yiwen n lmeqsud ur nezmir ara maḍi a nessiweḍ ɣur-es, neɣ ahat nessaweḍ yakan ɣer lmeqsud-nneɣ dɣa nezmer a nesɛu wayeḍ.

Kra n lweqt uqbel ad yebdu useggas n leqdic ajdid, ţ-ţaswiɛt iwulmen akken a nxemmem ɣef lmeqsudat i nezmer a nesɛu. D acu i tennam lukan aţ-ţhedṛem ɣef temsalt-agi di leɛbada-nwen n twacult, bac aţ-ţxemmem ɣef lmeqsudat i gezmer ad yesɛu yal aɛeggal n twacult, neɣ tawacult meṛṛa?

D acu-ten lmeqsudat-ik yeɛnan timsal yellan ukessar-a, yerna amek i tqesdeḍ aţ-ţessiwḍeḍ ɣur-sen?