TAMƐICT TAMASIḤIT
Qeddcen seg-wul ɣef ddemma-nneɣ
Ineqqaden n tɣalayt akk-d tlawin-nsen sbegginen-d leḥmala n ṣṣeḥ i watmaten ţ-ţyessetmatin. Am nekni, sɛan lmeḥwiǧat yerna tikwal zemren ad ɛyun, ad feclen neɣ ad tqellqen (Yeɛ 5:17). Acu kan, yal smana, ţţarran ddehn-nsen ɣer wamek i zemren ad sseǧhden atmaten ţ-ţyessetmatin n tjemmuyaɛ iɣef i rezzun. Mebla ccekk, ineqqaden n tɣalayt uklalen “ad ţţuqadren ɣef meṛtayen” (1Tim 5:17).
Mi geţheggi iman-is ad iṛuḥ ad iẓer tajmaɛt n Ṛuma bac ‘ad yefreq yid-sen kra n tukci n ṛṛuḥ’, Bulus yeţṛaǧu s lḥir ‘ad ţţemseǧhaden gar-asen’ (Ṛum 1:11, 12). Txemmeḍ yakan ɣef wamek i tzemreḍ aţ-ţesseǧhdeḍ aneqqad n tɣalayt-inek akk-d tmeṭṭut-is, ma yezweǧ?
FEṚṚEǦ BIDYU LEQDIC N YIWEN UNEQQAD N TƔALAYT YEŢBERRIḤEN DI TUDRIN, MBEƐD ǦAWEB-ED ƔEF YESTEQSIYEN-AGI:
-
Amek i d-sbegginen ineqqaden n tɣalayt ţ-ţlawin-nsen leḥmala-nsen i tjemmuyaɛ?
-
Amek i d-tesfaydiḍ si lmeǧhudat-nsen?
-
Amek i nezmer a ten-nesseǧhed?
