26 ɣuct–1 ctambeṛ
AHELLIL 78
Ccna wis 97 ţ-ţẓallit | Imeslayen n tazwara (1 dq.)
1. Lmeɛṣeyya n wat Isṛayil: D nndaṛa i nekni ass-a
(10 dq.)
At Isṛayil ţţun leɛǧayeb i gexdem Yahwa (Ahl 78:11, 42; w96-F 1/12 29).
At Isṛayil ur steɛṛfen ara s wayen akk i sen-d-yefka Yahwa (Ahl 78:19; w06-F 15/7 17 § 16).
At Isṛayil xtaṛen ad ɛaṣin Yahwa wala a d-lemden si lɣelṭat i xedmen (Ahl 78:40, 41, 56, 57; w11-F 1/7 10 § 3-4).
MEYYEZ ƔEF WAYAGI: D acu ara ɣ-yawin ur neţɛaṣi ara Yahwa?
2. Tiwiztin n Wawal n Ṛebbi
(10 dq.)
-
Ahl 78:24, 25: Acuɣer i teţţusemma tmana “irden seg igenni” akk-d ‘weɣrum n imeqranen’? (w06-F 15/7 11 § 4).
-
Di leqraya n smana-yagi, acu-tent twiztin n Wedlis Iqedsen i d-tufiḍ?
3. Leqraya n Wedlis Iqedsen
(4 dq.) Ahl 78:1-22 (th timeɣri tis 5)
4. Timlilit tamezwarut
(3 dq.) ABERREḤ SEG WEXXAM ƔER WEXXAM. Ḍleb i win ukud i theddṛeḍ ma yebɣa ad iɣer Adlis Iqedsen (lmd timeɣri tis 5 axemmim 5).
5. Timlilit tamezwarut
(3 dq.) ABERREḤ SEG WEXXAM ƔER WEXXAM. Bdu lhedṛa d walbeɛḍ s yiwen n welɣu (yeɛni “tract”, s tṛumit). Ḍleb-as ma yebɣa ad iɣer Adlis Iqedsen (lmd timeɣri tis 5 axemmim 4).
6. Timlilit tamezwarut
(1 dq.) ABERREḤ SEG WEXXAM ƔER WEXXAM. Win ukud i theddṛeḍ ur yebɣi ara aţ-ţɛeṭṭleḍ aṭas. Ḍleb-as ma yebɣa ad iɣer Adlis Iqedsen (lmd timeɣri tis 2 axemmim 5).
7. Timlilit tamezwarut
(4 dq.) ABERREḤ IƔEF UR NEBNI. Ini i win ukud i teţmeslayeḍ belli d Inigi n Yahwa i telliḍ, mebla ma tbedreḍ-d Adlis Iqedsen. Mbeɛd, ḍleb-as ma yebɣa ad iɣer Adlis Iqedsen (lmd timeɣri tis 2 axemmim 4).
Ccna wis 96
8. Ayen i nezmer a d-nelmed si lemtel i ɣ-d-yeǧǧa Filibus
(15 dq.) Lxeṭba akk-d yesteqsiyen.
Adlis Iqedsen immeslay-ed ɣef waṭas n yemdanen i ɣ-d-yeǧǧan lemtel n lɛali neɣ lemtel n diri. Iwakken a d-nesfaydi si lemtul-agi, ilaq a d-neɛzel lweqt bac a ten-nessenqed. Ilaq daɣen a nmeyyez ɣef wayen i d-nelmed seg-sen. Umbeɛd, a nbeddel ayen i glaqen di tudert-nneɣ.
Filibus yella d amasiḥi ‘yeččuṛen d ṛṛuḥ iqedsen akk-d lekyasa’ (Lcɣ 6:3, 5). D acu i nezmer a d-nelmed si lemtel i ɣ-d-yeǧǧa?
Sɛeddi-d BIDYU yeţţusemman Que nous apprennent-ils ? : Philippe l’évangélisateur. Mbeɛd steqsi imeḥdaṛ d acu i d-lemden:
-
Seg wayen i gexdem Filibus m’akken i tbeddel liḥala-ines (Lcɣ 8:1, 4, 5).
-
Si lbaṛakat i d-iṣaḥen Filibus m’akken i geqbel ad iṛuḥ anda i ḥwaǧen lemɛawna (Lcɣ 8:6-8, 26-31, 34-40).
-
Si lbaṛakat i d-iṣaḥen Filibus akk-d twacult-is imi steṛḥben s wiyaḍ (Lcɣ 21:8-10).
-
Si lfeṛḥ swayes i tḥuss twacult yellan di bidyu-yagi imi tetbeɛ lemtel n Filibus.
9. Taɣuri n Wedlis Iqedsen di tejmaɛt
(30 dq.) bt ixf. 14 § 11-20
