Di tjemmuyaɛ-nneɣ, llan watmaten ţ-ţyessetmatin iqeddcen ɣef Yahwa seg wacḥal n iseggasen aya. Iwulem a ten-nɛaned deg wamek i d-ţbegginen leţkal-nsen ameqran di Yahwa. Nezmer a ten-nesteqsi ɣef umezruy n tuddsa n Yahwa akk-d wuguren i qublen s lemɛawna n Ṛebbi. Nezmer daɣen a d-neɛreḍ yiwen seg watmaten ţ-ţyessetmatin-agi ɛzizen ɣer leɛbada-nneɣ n twacult bac a ɣ-d-ḥkun ayen i d-ɛacen.

Ma yella kečč d amasiḥi ijeṛṛben ddunit, ur ţsetḥi ara a d-thedṛeḍ ɣef liman-ik i imasiḥiyen yellan d ilmeẓyen. Yeɛqub d Yusef ḥkan i dderya-nsen ayen akk i jeṛṛben di tudert-nsen. (Lnd 48:21, 22; 50:24, 25) Ɣer zdat, Yahwa yeḍleb i iqerra n twaculin ad ḥkun leɛǧayeb-is i dderya-nsen. (Asm 4:9, 10; Ahl 78:4-7) Di zzman-nneɣ, imawlan akk-d iɛeggalen nniḍen n tejmaɛt zemren ad ḥkun i leǧyal ijdiden leḥwayeǧ yetɛeddan i gexdem Yahwa s ţţawil n tuddsa-ines.

FEṚṚEǦ BIDYU YEŢŢUSEMMAN “RESTONS UNIS SOUS L’INTERDICTION”, MBEƐD ǦAWEB-ED ƔEF YESTEQSIYEN-AGI:

• Amek i gɛawen Bitil n tmurt n Tutrict atmaten ţ-ţyessetmatin n kra n tmura anda yeţţuḥeṛṛem leqdic-nneɣ?

• Amek i ssawḍen watmaten ţ-ţyessetmatin n tmura-yagi ad sseǧhden liman-nsen?

• Acuɣer i wexxṛen waṭas n watmaten ţ-ţyessetmatin n Rumanya ɣef tuddsa n Yahwa, yerna amek i ssawḍen uɣalen-d?

• Amek i sseǧhadent teḥkayin-agi liman-ik?