Yehowa Sakse Ni gaw bat mi hta lahkawng lang Nawku Htingnu ni hta, nawku zuphpawng hpe galaw ma ai. Dai shara hta hpa ni galaw ai kun? Zuphpawng ni hpe lung yang hpa akyu ni hkam la lu na kun?

•  Nawku htingnu hta hpa ni galaw a ta?

•  Hpa majaw lung ging ai kun?

•  Ramma shada tsun ai lam

Nawku Htingnu gaw, tatut akyu jaw ai Chyum Laika lam matsun ni hpe sharin ya ai madung shara re. Zuphpawng ni lung yang lu na akyu:

• Karai Kasang hte seng ai tengman lam hpe chye wa na re.

• byin nga ai masa ni hte seng nna hpa majaw byin nga ai hpe chye na wa na re.

• grau kaja ai masha byin wa na re.

•  manang kaja ni hpe tam mu na re.

Nang chye ai kun? Yehowa Sakse Ni a nawku zuphpawng galaw ai shara hta, Karai Kasang a Mungdan lam hpe ayan na bawngban ai. Dai majaw, Mungdan Htingnu ngu nna mung shaga ai.—Mahte 6:​9, 10; 24:14; Luka 4:​43.

Na la wa ai lam ni kaw nna akyu hkamsha lu na re. Yehowa Sakse Ni a nawku zuphpawng ni hta, Chyum Laika npawt tara ni hpe bawngban ai majaw, “hpaji byeng-ya hpe tam la” lu hkra karum ya ai. (Ga Shagawp 4:5) Tsun mayu ai gaw, prat hta dawdan lam ni jahkrat ai shaloi, atsawm jahkrat lu hkra Chyum Laika gaw karum ya lu ai. Prat hte seng ai ahkyak ai ga san ni a mahtai hpe mung lu hkra karum ya ai. Ga shadawn:

• Lachyum nga ai prat ngu ai gaw hpa rai kun?

• Yakhkak jamjau hkrum nga ai gaw Karai Kasang a majaw kun?

• Anhte si yang hpa byin mat ai kun?

Bat Kru Ya hte Laban ni hta lawu na mungga ni hpe madat la lu na re:

• Chyum Laika Lam Matsun Ai Hpe Hpa Majaw Hkam La Ra Ai Kun?

• Myit Ru Myit Tsang Nga Ai Shaloi Gara Kaw Na Karum Shingtau Lu La Mai Ai Kun?

• Karai A Mungdan Gaw Anhte A Matu Dai Ni Aten Hta Hpa Lam Ni Galaw Ya Nga Ai Kun?

“Jawng manang langai zuphpawng sa lung ai. Nye nta masha ni hte arau dung ai. Anhte hte laika arau yu ai. Shawa masha ni mahtai jaw shang lawm ai hpe shi grai ra sharawng ai. Shanhte a nawku jawng hta, anhte zawn hkaja na laika ni n nga ai ngu tsun ai.”—Barenda.

Nang chye ai kun? Nawku Htingnu hta shang gumhpraw n jaw ra ai zawn, alu gumhpraw hkan hta ai mung n nga ai.

Kanawn mazum lu ai majaw n-gun lu na re. Hkristan ni arau hkrum zup ra ai lam langai gaw, “shada da grau nna n-gun jaw hkat” na matu ra ai majaw re ngu Chyum Laika hta tsun da ai. (Hebre 10:24, 25, JCLB) Tinang a akyu hpe sha myit maju jung nna tingkyeng akyu tam ai mungkan hta, Karai Kasang hte kaga masha ni hpe ahkyak shatai ai ni hte kanawn mazum lu ai gaw, grai kabu hpa re.

“Shani ting pu ba nga tim pyi, Nawku Htingnu hta hpunau nauna ni hte hkrum ai shaloi, myit grai simsa ai. Zuphpawng ngut ai hpang nta wa ai lam hta gaw, hpang shani na matu n-gun hpring tup rawng nna myit pyaw ai lam hkamsha ai.”—Elisa.

Nang chye ai kun? Mungkan ting na Yehowa Sakse Ni a nawku hpung 120,000 jan gaw, shara 60,000 jan hta nawku zuphpawng galaw ma ai. Zuphpawng sa lung ai masha grau law wa ai majaw, Nawku Htingnu 1,500 daram shaning shagu gawgap nga ai. *