Hkaw Tsun Bungli Hta Jailang U
Ginwang Zuphpawng Saw Shaga Laika Campaign
Shaning shagu, ginwang zuphpawng kaw nna lu la na wenyi malu masha ni hpe anhte myit mada ga ai. Dai majaw, kaga masha ni mung Yehowa a mai kaja ai lam hpe chyim yu lu hkra, anhte hte rau zuphpawng hta sa du lawm na matu dang lu ai daram saw shaga na re. (Ga Sh. 34:8) Saw shaga laika hpe kaja htum garan lu hkra gara hku galaw ra na hpe myitsu salang hpung gaw daw dan na re.
Myit Hta Matsing Da Ra Na Lam Ni
-
Anhte a ginwang zuphpawng gaw galoi ta?
-
Campaign lamang galoi hpang na kun?
-
Magam hkrumzup hpawng gaw galoi ta?
-
Campaign lamang hta nye a bandung gaw hpa rai ta?
-
Ngai kadai ni hpe saw shaga na kun?
Gara Hku Tsun Na Kun?
Shachyen shaga ngut ai hpang, ndai hku tsun u:
“Grai ahkyak ai aten ladaw langai a matu saw shaga laika sa garan ai re. Ndai saw shaga laika hta nhtoi, ahkying aten hte shara ni hpe tsun dan da ai. Anhte hte rau shang lawm na matu nang hpe saw shaga ga ai.”
Grau Nna Myit Lawm Hkra Nang Gara Hku Galaw Na Kun?
Ginwang zuphpawng sa lung na matu dang lu ai daram masha law law hpe anhte saw shaga mayu ai. Raitim, myit lawm ai lam madun ai ni hte hkrum yang gaw aten jaw nna hkaw tsun u.
Kru ya, Laban hta saw shaga laika hpe laili laika ni hte hpawn garan mai ai.
