2016 January shata kaw nna shawa de shabra ai Sin Langchyi a hpang jahtum na laika man hta “Chyum Laika Hta Hpa Tsun Da Ai Kun?” ngu ai hkrang nnan lawm ai. Dai hkrang nnan gaw Chyum Laika lam tsun shaga loi na matu karum ya na re. Anhte hta nga ai garan laika ni hte hkrang bung ai. Nta madu hpe san na ga san hte Chyum Laika mahtai lawm nna kahtap bawngban mai ai lam ni mung lawm ai.

Chyum Laika lam ni hte tsun shaga hpang yang, Chyum Ga sharin galaw na matu loi ai. Wenyi shat kawsi hpang kara nga ai ni hpe karum ya lu hkra ndai hkrang nnan hpe jailang u. 

1. Ga san langai hpe madun nna nta madu a ningmu hpe san u

2. Shi tsun ai hpe madat ya u, shi mahtai jaw ai hpe hkungga ai lam madun u

3. “Chyum Laika Hta Tsun Ai Lam” ngu ai ga baw lawu hta na Chyum daw hpe hti dan nna, ndai chyum daw hte seng nna shi a mu mada lam hpe san u. Shi aten lu yang, “Chyum Laika Hta Na Gara Lam Ni Hpe Kahtap Chye Lu Na Kun?” ngu ai ga baw lawu hta lawm ai lam langai hpe matut nna tsun dan u

4. magazine hpe garan u

5. Bai kawan nna dai laika man hta lawm ai kaga ga san hpe bawngban na matu lajang u