Dai ning kaw nna, Hkristu a si ai Myit Dum Poi a matu, hkyen lajang na aten law law lu na re. Myit Dum Poi gaw bat lahpran hta ang yang, Hkristan Prat Hte Magam Zuphpawng nga na n re. Myit Dum Poi gaw, Kru Ya hte Laban Ya hta ang yang, shawa mungga hte Sin Langchyi hkaja ai lam nga na n re. Dai majaw, zuphpawng n nga ai dai aten ni hpe akyu rawng hkra, gara hku galaw lu na kun? Tsaban langai na ni zawn, ndai laksan aten ladaw hpe akyu rawng hkra galaw ra ai. (Luk 22:7-13; km 3/15 1) Anhte yawng gaw, anhte a myit masin hpe hkyen lajang da ging ai. Gara hku nna kun?

• Sa lung na matu ahkyak ai hpe myit yu u.​—⁠1Ko 11:23-26

• Yehowa hte na a hku hkau ai lam hpe akyu hpyi nna myit yu u.​—⁠1Ko 11:27-29; 2Ko 13:5

• Myit Dum Poi a lachyum hpe sang lang da ai Chyum Laika hte seng ai laili laika ni hpe hti nna sumru yu u.​—⁠Yhn 3:16; 15:13

Hkaw tsun masha nkau mi gaw, Shani Shagu Na Chyum Daw hta lawm ai Myit Dum Poi a matu Chyum Laika hpe hti nna myit sumru ma ai. Nkau mi gaw, ndai chyarang hta lawm ai Chyum daw ni hpe mung hti ma ai. Nkau gaw, Yehowa hte Yesu madun wa ai tsawra myit hte Myit Dum Poi a lam sang lang da ai Sin Langchyi sumhpa ni hpe bai hti ma ai. Nang gara hkaja lamang hpe galaw ai raitim, Yehowa hte shi a Kasha hte ni htep lu na re.