Yaku gaw grai ahkyak ai Yehowa a shaman chyeju lu na matu, lamu kasa hte gamu hkat wa ai. (Nin 32:25-32; Hos 12:4, 5) Anhte gaw gara hku kun? Yehowa hpe madat mara nna, shi a shaman chyeju hpe lu hkra, shakut shaja mayu ai myit anhte hta nga ai kun? Ga shadawn, zuphpawng lung na aten hta kanbau bungli a matu aten shajan galaw ra ai rai yang, nang gara hpe lata na kun? Anhte ni a n-gun atsam, aten, arung arai ni hpe Yehowa a matu kaja htum sak jaw na nga yang, anhte a “ntsa e shaman ai chyeju ru bun” ya na re. (Mal 3:10) Yehowa gaw anhte hpe lam matsun ya na, makawp maga ya na, ra kadawn ai lam ni hpe mung madi shadaw ya na re.​—Mat 6:33; Heb 13:5.

WENYI BANDUNG NI HPE MATUT MYIT MAJU JUNG U VIDEO HPE YU NNA, LAWU NA GA SAN NI HPE HTAI U:

• Nauna gaw shi ra sharawng ai lam hte gara hku chyam dinglik hkrum wa ai kun?

• Anhte a bungli gaw gara hku nna chyam dinglik ai lam byin wa chye ai kun?

• Timohti gaw wenyi lam hta kunghpan nga tim, hpa majaw bandung ni hpe naw jahkrat ra ai kun?​—1Tm 4:16

• Anhte “nambat 1” ahkyak shatai galaw ra ai bungli hpe gara hku madun na kun?