Hpa Majaw Ahkyak: Yehowa a ra sharawng ai hpe lu na matu, Chyum ga sharin wa gaw apnawng nna hkalup hkam ra ai. (1Pet. 3:21) Apnawng da ai hte maren asak hkrung yang she, wenyi lam hta makawp maga hkrum na re. (Shk. 91:1, 2) Hkristan langai a apnawng ai lam gaw masha langai, bungli langai (sh) uhpung langai hta n re ai sha Yehowa kaw apnawng ai re. Dai majaw Karai Kasang hpe tsawra ai myit hte manu shadan ai myit law htam wa hkra Chyum ga sharin ni galaw ra ai.—Rom. 14:7, 8.

Galaw Mai Ai Lam:

• Chyum Laika hkaja ai shaloi Yehowa hte seng ai lam ni hpe bawngban u. Shani shagu Chyum Laika hti na hte Yehowa kaw “n sim n sa akyu hpyi” na matu ahkyak shatai tsun u.—1Hte. 5:17; Yaku. 4:8

• Wenyi Bandung ni re ai apnawng nna hkalup hkam lu hkra, na a Chyum ga sharin hpe n-gun jaw u. Zuphpawng hta mahtai jaw ai, htingbu hte bungli manang ni hpe sakse hkam ai ni zawn re ai, bandung kaji ni hpe dep lu hkra karum ya u. Yehowa gaw shi a magam gun na matu, kadai hpe mung atik anang n galaw ai hpe dum u. Dai majaw hkalup hkam ai gaw tinang a daw dan lam sha re.—T.Ja 30:19, 20

• Hkalup hkam na matu atsam hpring wa hkra, galai shai ra na lam ni hpe galaw na matu n-gun jaw u. (Ga Sh. 27:11) Hpa majaw nga yang, akyang lailen nkau mi gaw ru jung nga ai majaw, gawng shingyan dingsa raw kau nna ningnan hpe hpun na matu, Chyum ga sharin hpe matut karum ya ra ai. (Ehp. 4:22-24) “Chyum Laika Gaw Prat Hpe Galai Shai Ya” ngu ai Sin Langchyi a sumhpa ni hpe hti na matu tsun u.

• Yehowa a magam gun ai majaw, kade daram ngwi pyaw ai lam na a mahkrum madup hpe tsun dan u.—Esa. 48:17, 18