Titu hpang de ka ai laika hta Pawlu gaw, Titu hte hpawn ramma hpunau ni hpe “lam shagu hta kaja reng ai magam bungli a ningli” tai hkra shakut shaja na matu tsun ai. (Tit 2:6, 7) Dai daw kaba hta sha, Yehowa a amyu masha ni gaw jasan jaseng hkrum da ai majaw, “kaja reng ai magam bungli” hta shakut shaja galaw lu ai lam hpe tsun dan wa ai. (Tit 2:14) Kaja reng ai magam bungli ni ngu ai gaw, Karai Kasang a Mungdan lam hpe hkaw tsun ai hte sharin ya ai lam ni re. Nang gaw ramma rai yang, aten kadun ningshawng (sh) aten galu ningshawng galaw nna, na a ramma n-gun atsam hpe akyu jashawn lu na kun?​—⁠Gsh 20:29.

Nang gaw ningshawng galaw mayu yang, tatut re ai masing ni hpe jahkrat nna, du dep hkra shakut u. (Luk 14:28-30) Ga shadawn, aten hpring magam hta shang lawm ai shaloi, na a jai jarik hpe gara hku lajang na kun? Hpyi shawn da ai hkying hkum hpring hkra, gara hku galaw na kun? Yehowa hpe akyu hpyi nna na a masa hpe sharai la u. (Shk 37:5) Na a masing hpe nu yan wa hte mung, awng dang nga ai ningshawng ni hte mung bawngban yu u. Dai hpang, na a bandung du hkra galaw hpang u. Magam bungli hta nang shakut yang, Yehowa teng sha shaman ya na re!

YEHOWA HPE SHAGRAU AI RAMMA NI VIDEO HPE YU NNA, LAWU NA GA SAN NI HPE HTAI U:

• Ningshawng galaw ai shaloi gara mayak mahkak ni hpe tawt lai ra ai kun? Shanhte gara hku galaw wa ai kun?

• Ma ni aten galu ningshawng galaw lu hkra kanu kawa ni gara hku karum ya mai ai kun?

• Hkaw tsun ai chyarang langai nga ai gaw hpa majaw ahkyak ai kun?

• Nawku hpung na ni gaw ningshawng ni hpe, gara hku n-gun jaw nna karum ya mai ai kun?

• Ningshawng magam gun ai ni gaw hpa shaman chyeju ni lu ai kun?