Yehowa a grau htum ai magam bungli hta shang lawm nga ai amyu masha ni gaw, galoi mung malap kau hkrum na n re. Tsawra myit rawng ai kawa gaw, shi a kasha galaw wa ai kaja ai lam yawng hpe galoi n malap ai. Dai zawn sha, Yehowa mung shi amying ningsang a matu anhte madun ai tsawra myit hte magam bungli ni hpe galoi mung malap na n re. (Mat 6:20; Heb 6:10) Anhte yawng gaw masa amyu myu, atsam ningja amyu myu nga chye ai. Raitim, Yehowa a magam hpe anhte dang lu ai daram kaja htum galaw yang ngwi pyaw lu ai. (Gal 6:4; Kol 3:23) Lai wa sai shaning ni hta, hkying hku law ai hpunau nauna ni gaw Behtela hta magam gun wa ai. Nang mung Behtela magam hta shawang lit gun ya mai na kun? Lama na, nang n lu galaw tim, lu galaw na masa nga ai ni hpe n-gun jaw mai na kun? Shing nrai Behtela nta masha ni hpe, matut nna kaja htum magam gun lu hkra karum ya mai na kun?

BEHTELA MAGAM GUN NA MATU JIN JIN RAI NGA U VIDEO HPE YU NNA, LAWU NA GA SAN NI HPE HTAI U:

• Behtela magam hpe gara myit jasat hte gun hpai ging ai kun?

• Behtela magam gun nkau mi gaw, hpa shaman chyeju ni lu wa ai hpe tsun dan ai kun?

• Behtela magam gun na matu gara atsam ningja ni hpring ra ai kun?

• Behtela magam a matu gara hku shawk shawn lu na kun?