Yehowa gaw myiman n lata ai. (Kasa 10:34, 35) Shi gaw “mungdan shagu hta na mung, baw lakung shagu hta na mung, amyu baw shagu hta na mung” masha ni hpe hkap la wa ai. (Shing. 7:9) Dai majaw, Hkristan hpung hta garan ginhka ai myit (sh) myiman lata ai lam n nga ai. (Yak. 2:1-4) Anhte yawng gaw arawn alai ni hpe galai shai nna wenyi hparadisu kaw pyaw lu ai majaw, grau htum ai hpaji hpe jaw ai Yehowa hpe chyeju dum ga ai. (Esa. 11:6-9) Yehowa madun ai kasi hpe hkan lu na matu, garan ginhka ai myit hpe kraw kata kaw nna shaw kau ra ai.​—⁠Ehp. 5:1, 2.

• Amyu ginhka ai hte myiman lata ai lam n nga na matu masha ni shakut ai lam hta Karai Kasang kaw na hpaji gaw hpa majaw grau ai kun?

• Mungkan grup hpunau hpung hpe nang hpa majaw ra sharawng ai kun?

• Hkristan kahkyin gimdin lam hpe makawp maga ai gaw Yehowa hpe gara hku nna shagrau ai kun?