AHKYAK AI LAM: “N htum n wai asak lu la na san da” hkrum ai ni a myit masin hta, teng man ai tara a nli tu kaba wa na matu, Yehowa galaw nga ai. (Kas 13:48; 1 Ko 3:7) Hkaw tsun bungli hta, sharin ya ai lam hte maren hkan galaw ai ni hpe anhte shakut let myit maju jung ai hku nna, Yehowa hte rau galaw nga ai. (1Ko 9:26) Hkye hkrang la hkrum na matu, Hkristan hkalup hpe hkam la ra ai lam, Chyum ga sharin ni chye na ra ai. (1Pe 3:21) Shanhte a prat hta galai shai ai lam ni galaw wa hkra, hkaw tsun ai hte sharin chye wa hkra, shanhte a prat hpe Yehowa hpang apnawng wa hkra anhte sharin ya ai hku nna, sape langai byin tai wa na matu anhte karum ya ai.​—⁠Mat 28:19, 20.

GALAW MAI AI LAM:

• Chyum Laika hkaja ai lamang a yaw shada lam gaw, Yehowa hpe “chye chyang” na matu hte shi ra sharawng ai hpe galaw lu na matu re ai lam, Chyum ga sharin ni hpe shadum u.​—⁠Yhn 17:3

• N kaja ai akyang lailen (sh) n kaja ai manaw manang ni hte kanawn mazum ai lam zawn re ai ni hpe koi yen nna, wenyi lam hta rawt jat wa na matu, shanhte hpe karum ya u

• Hkalup n hkam shi ai aten hte hkalup hkam ngut ai hpang mung, shanhte hpe n-gun jaw nna shangang shakang ya u.​—⁠Kas 14:22

YEHOWA KARAI KASANG NANG HPE KARUM YA NA NGU AI VIDEO HPE YU NGUT AI HPANG NDAI GA SAN NI HPE HTAI U:

• Apnawng nna hkalup hkam na matu, htingnut ai wa gaw hpa hpe hkrit ai rai na kun?

• Myitsu salang ni gaw, Chyum ga sharin ni hpe wenyi lam hta rawt jat wa na matu, gara hku karum ya lu ai kun?

• Esaia 41:10 gaw, Yehowa a lam anhte hpe hpa sharin ya ai kun?

• Anhte n hkum tsup ai ni rai yang pyi, Yehowa hkap la ai hku magam gun lu na matu, gara atsam ningja ni gaw karum ya ai kun?