2018 kaw nna anhte a shawa magazine langai hpra hta, madung lam langai hpra hpe sha sanglang da ai. Magazine yawng gaw Sharin Achyin Hkingrai Ni hta lawm ai. Dai majaw hkaw tsun bungli hta lang mai ai. Gat mari sa ai shaloi, bu hkawm ai shaloi la mat mai ai. Magazine ni hpe Chyum Laika sharin lamang a matu n lang ai. Raitim, Karai Kasang a lam grau chye mayu wa hkra masha ni hpe karum ya ai.

Shachyen ngut ai hpang, chyum daw langai hti dan nna magazine kaw na myit lawm na zawn re ai lam langai hpe tsun mai ai. Ga shadawn, nta madu gaw dinghku hpe bau maka ra ai (sh) yawn hkyen hkrum ai, myit ru myit tsang hkrum nga ai nga yang, ndai hku tsun mai ai: “Ndai magazine kaw na grai kaja ai sumhpa langai hpe ngai hti hkrup ai. Dai lam hpe tsun dan na yaw.” Shi myit lawm jang, hkaw tsun ten hta pyi shi hpe dai magazine jaw da mai ai (sh) electronic hku sa ya mai ai. Yaw shada lam gaw magazine jaw na matu sha n re. Dai magazine ni gaw chye wa ai lam ni hpe sharawng awng let hkan sa mayu ai ni hpe tam mu na matu karum ya ai.—Kas 13:48.