Myit mada lam gaw hpri chyinghkyi hte bung ai. (Heb. 6:​19) Dai gaw panglai hta hkrum ai nbung laru ni a majaw, anhte a we-nyi sanghpaw li n hten mat hkra karum ya ai. (1Tim. 1:​18, 19) Dai nbung laru ni hta myit daw ai lam, arung arai sum ai lam, machyi jung ai lam, tsawra ai masha si mat ai lam (sh) anhte a sadi dung ai lam hpe chyam dinglik ai lam yawng lawm na re.

Makam masham hte myit mada lam gaw ga sadi jaw da ai shaman chyeju ni hpe, asan sha mu hkra anhte hpe karum ya ai. (2 Kor. 4:​16-​18; Heb. 11:13, 26, 27) Dai majaw, anhte a myit mada lam gaw sumsing lamu raitim ginding aga raitim, Karai a Mungga kaw lawm ai ga sadi ni hpe galoi mung myit sumru nna makawp maga ra ai. Dai rai yang, chyam dinglik lam ni hkrum wa ai shaloi, anhte a ngwi pyaw lam hpe makawp maga ya lu na re.​​—⁠1 Pet. 1:​6, 7.

MYIT MADA LAM HTA KABU GARA NGA U NGU AI VIDEO HPE YU NNA NDAI GA SAN NI HPE HTAI U:

• Mawshe a kaja ai kasi hpe hpa majaw hkan sa ra ai kun?

• Dinghku ningbaw ni hta hpa lit ni nga ai kun?

• Dinghku nawku hta gara lam ni hpe hkaja na ngu myit da ai kun?

• Chyam dinglik ai lam hpe hkam jan lu hkra myit mada lam gaw nang hpe gara hku karum ya ai kun?

• Nang gara lam hpe myit mada nga ai kun?