HKRISTAN PRAT HKRUN LAM
Hkaw Tsun Bungli Hta Rawt Jat Hkra Galaw U—N Rawt Jat Ai Chyum Ga Sharin Ni Hpe Matut N Sharin
HPA MAJAW AHKYAK: Masha ni hkye hkrang la hkrum na matu, Yehowa a amying hpe shaga ra ai. (Rom 10:13, 14) Chyum Laika hkaja ai ni yawng gaw, Yehowa a tsang madang hku nna asak hkrung mayu ai ni n re. Raitim, Yehowa myit ra ai hku teng sha galai shai mayu ai ni hpe karum ai hku nna, hkaw tsun bungli hta manu dan ai anhte a aten ni hpe kaja htum akyu jashawn ai. Dai majaw, Chyum ga sharin langai gaw aten ladaw langai laman hta, n rawt jat ai nga yang, shi hpe Chyum Laika matut n sharin ai sha, uhpung hpang de Yehowa lau la ai ni hpe sha karum ya na matu, anhte a ten hpe lang na re. (Yhn 6:44) Teng ai. Lama na, shi gaw galai shai ai lam nkau galaw nna, “n htum n wai asak lu la na san da ai” wa zawn madun yang, shi hte kabu gara let Chyum Laika bai hkaja na re.—Kas 13:48.
GALAW MAI AI LAM:
-
Teng man ai mungga hpe chye mayu ai majaw, Chyum ga sharin hpe shakawn ya u.—1Tm 2:4
-
Shi sharin la wa ai hpe tatut hkan sa ai gaw, ahkyak ai lam dan dawng hkra tsun u.—Luk 6:46-49
-
Yesu a nli gat ai ga shadawn hpe tsawra myit hte bawngban nna, shi sharin la wa ai ni hpe hkan sa na matu, hpa gaw yak shangun ai kun, ngu ai hpe myit yu na matu san u.—Mat 13:18-23
-
Hkaja ai hpe hpa majaw n galaw sana hpe hpaji rawng ai hku tsun dan u
-
Shi kaw ayan sa chyai nna n-gun jaw na hte, htawm hpang hta shi galai shai ai lam ni galaw wa yang, Chyum Laika bai hkaja mai ai lam shi chye na hkra tsun dan u
VIDEO HPE YU NNA, LAWU NA GA SAN NI HPE HTAI U:
-
Ndai tsun shaga ai lam hta Chyum ga sharin gaw, rawt jat ai lam n nga ai hpe hpa gaw madun nga ai kun?
-
Chyum ga sharin galai shai ra ai lam ni hpe chye na wa hkra, hkaw tsun masha gaw gara hku karum ya wa ai kun?
-
Hkaw tsun masha gaw, bai hkaja na matu jin jin rai yang, galoi raitim, bai hkaja mai ai lam gara hku tsun dan wa ai kun?