Nang gaw Hkristan ramma langai (sh) chyum ga sharin langai rai yang, hkalup hkam na bandung nga ai kun? Hpa majaw hkalup hkam mayu ai myit nga ging ai kun? Apnawng ai hte hkalup hkam ai gaw, Yehowa hte laksan nnan hku hkau hpang ai re. (Shk 91:1) Dai gaw hkye hkrang lam mung lu shangun ai. (1Pe 3:21) Dai hku galaw lu hkra gara hku shakut na kun?

Ndai gaw teng man lam re ai hpe nang nan kam ai lam madun ra ai. Ga san ni nga wa yang, tinang hkrai sawk sagawn ai lam ni galaw u. (Rom 12:2) Galai shai ra ai ni hpe chye hkra galaw nna, Yehowa a sharawng awng ai lam hpe lu mayu ai myit hte galai shai u. (Gsh 27:11; Ehp 4:23, 24) Karum shingtau lu na matu ayan akyu hpyi u. Yehowa gaw chyoi pra ai wenyi hte karum ya na, shangang shakang ya na hpe kam u. (1Pe 5:10, 11) Na a shakut shaja ai lam ni a matu akyu lu na re. Yehowa hpe nawku dawjau ai gaw kaja htum prat hkrun lam re.​—Shk 16:11.

HKALUP HKAM NA MATU HKAWM AI LAM VIDEO HPE YU NNA, LAWU NA GA SAN NI HPE HTAI U:

• Masha nkau gaw hkalup hkam na matu gara mayak mahkak ni hpe tawt lai wa ai kun?

• Yehowa kaw apnawng na matu makam masham rawt jat hkra gara hku galaw lu na kun?

• Hkalup hkam na matu ra ai lam ni hpe galaw lu hkra, masha nkau hpe hpa gaw shadut ya wa ai kun?

• Yehowa hpe nawku na matu lata ai ni gaw hpa shaman chyeju ni lu na kun?

• Apnawng ai hte hkalup hkam ai a lachyum gaw hpa rai kun?