Israela masha ni hpe hpawng de wa ai zawn, dai ni na shi a amyu masha ni hpe mung, shi myit ra ai lam hpe galaw na matu hpawng de da ai. Mungkan ting hta, ninghtawn ni, nawku hpung ni, hpung kaji ni yawng gaw kabu gara shiga hkaw tsun na matu rau jawm galaw ai. Kaga amyu ga shaga ai ni hte hpawn, masha yawng hpe anhte hkaw tsun ai.​—Shr 14:6, 7.

Kaga masha ni hpe teng man ai lam sharin ya na matu, kaga amyu ga hpe sharin la lu na kun? Aten n nga ai rai yang pyi, kaga amyu ga hpe sharin la lu na matu, JW Language app hpe akyu jashawn nna, aloi sha re ai tsun shaga ladat hpe sharin la mai ai. Dai ni hpe hkaw tsun lawk hta akyu jashawn ai shaloi, tsaban langai na Hkristan ni zawn nang hkamsha na re. Kaga mungdan kaw na masha ni gaw “Karai Kasang a mauhpa amu magam lam” hpe shanhte a amyu ga hte na lu ai majaw, grai mau mat ai shaloi hpunau ni grai pyaw wa ai.​—Kas 2:7-11.

YEHOWA A JINGHKU BYIN U​—MAIGAN AMYU GA HTE HKAW TSUN U  VIDEO HPE YU NNA, LAWU NA GA SAN NI HPE HTAI U:

• Gara aten hta JW Language app hpe akyu jashawn ging ai kun?

• Dai hta hpa ni lawm ai kun?

• Na a hkaw tsun lawk na masha ni gaw gara amyu ga ni shaga ai kun?

• Kaga amyu ga shaga ai masha langai Mungdan shiga hpe myit lawm ai lam madun ai nga yang nang hpa galaw ging ai kun?​—od-BU 100-101 ¶39-41