Anhte a matu kaja htum hpe Yehowa chye ai kun? Teng sha chye ai! Yehowa a lam matsun ni hpe anhte hkan sa ai shaloi, nyan hpaji madun lu na hpe kam mai ai. (Gsh 16:3, 9) Raitim, shi a lam matsun ni gaw, anhte myit da ai hte shai wa yang, anhte a makam masham gaw chyam dinglik hkrum chye ai. Hpan da ai lam ni hpe myit sawn sumru ai hku nna, Yehowa a nyan hpaji hpe kam ai myit shangang shakang lu na re.​—Gsh 30:24, 25; Rom 1:20.

HPAN DA HKRUM AI KUN? LAM N PAT HKRA KAGYIN NI GARA HKU HKAWM SA AI KUN? VIDEO HPE YU NNA, LAWU GA SAN NI HPE HTAI U:

• Kagyin law malawng a shani shagu galaw ai bungli gaw hpa rai kun?

• Kagyin ni gaw lam n pat hkra gara hku hkawm sa ai kun?

• Lam n pat hkra kagyin ni hkawm sa ai lam kaw nna, shinggyim masha ni gara hku kasi la mai ai kun?

HPAN DA HKRUM AI KUN? HKANG NNA PYEN LU AI LAGAT A ATSAM VIDEO HPE YU NNA, LAWU GA SAN NI HPE HTAI U:

• Nbungli kaji ni gawt ai shaloi, gara mayak mahkak ni hpe masha ni hkrum ai kun?

• Lagat ni gaw n bung ja ai aten, pyen lu ai atsam hpe gara hku hkang ai kun?

• Lagat a shi hkrai shi galaw lu ai nyan hpaji kaw nna, shinggyim masha ni gara hku akyu lu la nga ai kun?

Nang nga ai shara kaw na, Yehowa a nyan hpaji dan dawng ai gara hpan da ai lam hpe mu ga ai kun?