Anhte a galaw ai lam yawng hte Yehowa hpe myit pyaw shangun mayu ai. (Gsh 27:11) Dai majaw, tara (sh) lam matsun tup hkrak n nga ai masa ni hta pyi, Yehowa a ningmu hte maren dawdan lam ni jahkrat mayu ai. Dai hku galaw lu hkra hpa gaw karum ya lu ai kun?

Chyum Laika ayan hkaja ai arawn alai nga u. Anhte Chyum Laika hti ai aten shagu gaw, Yehowa hte aten jahtum nga ai re. Shi a masha ni hpe gara hku kanawn mazum ai, shi a man hta kaja ai hku n kaja ai hku galaw wa ai ni a kasi ningli ni hpe dinglik yu ai shaloi, Yehowa a ningmu hpe sharin la lu na re. Dawdan lam langai jahkrat ra ai shaloi, anhte hkaja da ai Karai a Mungga kaw na ahkyak ai lam ni hte npawt tara ni hpe bai dum hkra chyoi pra ai wenyi galaw ya na re.​—Yhn 14:26.

Sawk sagawn u. Dawdan lam jahkrat ra yang, ‘Gara chyum daw (sh) gara labau gaw ndai masa hte seng na Yehowa a ningmu hpe chye na hkra karum ya lu ai kun?’ ngu tinang hkum tinang san yu u. Yehowa a karum lam lu na matu akyu hpyi nna, na a amyu ga hte uhpung lajang da ai sawk sagawn hkingrai ni hte na a masa hpe karum ya lu ai Chyum Laika npawt tara ni hpe hkan sa u.​—Shk 25:4.

“SHAKUT SHARANG LET” GAT RA AI​—N-GUN LU AI LUSHA HPE SHA U VIDEO HPE YU NNA, LAWU NA GA SAN NI HPE HTAI U:

• Video hta na ramma nauna gara dip n-gun ni hpe hkrum wa ai kun?

  textarea-1

• Dai zawn dip n-gun ni hpe hparan lu hkra, sawk sagawn hkingrai ni gaw gara hku karum ya lu ai kun?

  textarea-2

• Kaja ai dawdan lam ni jahkrat lu hkra karum ya ai tinang hkrai hkaja ai lamang hte sawk sagawn ai lam ni galaw ai gaw gara hku akyu jaw ai kun?​—Heb 5:13, 14

  textarea-3