Shaning shagu, Yehowa a masha ni gaw Myit Dum Poi hpe rau galaw na matu myit mada ma ai. Myit Dum poi a shawng bat ni hte ngut ai bat ni hta Yehowa jaw ai gawng malai jahpu kumhpa hpe chyeju dum nna shakawn lu ai laksan ahkaw ahkang lu ma ai. (Ehp 1:3, 7) Ga shadawn, Myit Dum Poi de kaga ni hpe saw shaga na matu anhte shakut ai. March (sh) April shata ni hta hkyinghkum 30 (sh) 50 hte aten kadun ningshawng galaw lu hkra, nkau gaw galai shai lam ni galaw wa ai. Myit Dum Poi shata laman hkaw tsun bungli hta aten law law jaw lu na kun? Galaw lu na matu hpa gaw karum ya lu ai kun?

Tau hkrau hkyen lajang na nga yang anhte awng dang lu na re. (Gsh 21:5) Myit Dum Poi aten kade n na yang du wa sana re majaw, ya aten gaw lajang hpang na matu aten re. Myit Dum Poi shata laman hkaw tsun bungli hta gara hku grau shang lawm lu na hte na a bandung du lu hkra hpa galaw ra ai hpe myit yu u. Dai hpang, na a shakut ai lam hpe shaman chyeju jaw na matu Yehowa kaw akyu hpyi u.​—1Yh 5:14, 15.

Myit Dum Poi shata laman hkaw tsun bungli hpe grau galaw lu na lam nkau hpe myit yu lu na kun?