Hpa majaw shajin ra ai kun? Hkyak hkyak tsi tsi ai lam hte tsi rung lung ra ai lam ni gaw kalang ta byin pru wa chye ai. Dai majaw, hkyak hkyak tsi tsi ra ai lam n byin shi yang, kaja htum tsi tsi ladat hpe lu na matu, karum lam lu mai ai lam yawng hpe lajang da u. Dai hku galaw ai gaw, sai hte seng ai Yehowa a tara hte asak hpe hkungga ai lam madun ai re.​—Kas 15:28, 29.

Shajin na matu hpa galaw lu ai kun?

• Atsawm sha akyu hpyi nna DPA kat a (ဆေးဘက်ဆိုင်ရာ ညွှန်ကြားချက်ကတ်ပြား) hta ka bang u. Hkalup hkam da ai hkaw tsun masha ni gaw DPA kat hpe, laili laika dap hta la mai nna, shanhte a asak n hpring shi ai ma ni a matu mung la mai ai

• Ma hkum nga taw ai nga yang, Ma Gun Ai Kanu Ni A Matu Lam Matsun-E (S-401) laika hpe myitsu salang ni kaw hpyi u. Dai laika gaw ma gun nga ai laman hte ma shangai ai shaloi byin wa chye ai manghkang ni hpe atsawm dawdan lu hkra karum ya na re

• Lama na, sai hte seng ai tsi tsi ladat ni (sh) tsi rung lung ra ai nga yang, myitsu salang ni hpe tau hkrau shana u. Ngut na, Yehowa Sakse magam gun langai gaw tinang hpe karum ya na lam tsi rung hpe tsun dan u

Myitsu salang ni gara hku karum ya lu ai kun? DPA kat ka ai shaloi lu karum ya ai. Raitim, tsi tsi ai ladat hte seng ai dawdan lam ni hpe jahkrat ya na n re (sh) tinang nan lata ra ai lam ni hte seng nna mung, shanhte a ningmu hpe mung tsun na n re. (Rom 14:12; Gal 6:5) Sai hte seng ai tsi tsi ladat ni hpe hkrum taw ai nga yang, buga na myitsu salang ni hpe tau hkrau shana u. Rai yang, shanhte gaw na a malai Tsi Rung Matut Mahkai Komiti (HLC) hpe kalang ta matut mahkai ya na re.

HLC gaw gara hku karum ya lu ai? Sai hte seng na anhte hkap la da ai lam hpe, tara hte seng ai uhpung hte tsi hte seng ai uhpung kaw na ni chye na hkra, sanglang dan lu na matu HLC kaw na hpunau ni shaman da hkrum ai. Sai n bang ai sha tang du hkra tsi tsi lu na matu mung shanhte bawngban ya lu ai. Ra wa yang, sai hte seng ai ningmu hpe hkap la ya ai sarawun hpe tam ya lu ai.

HKAM KAJA LAM A MATU SAI HTE SENG NNA DAWDAN LAM JAHKRAT MAI AI LAM VIDEO HPE YU NNA, LAWU KAW NA GASAN NI HPE HTAI U:

• Sai hte seng ai hkyak hkyak tsi tsi ra ai lam a matu shajin ai shaloi, ndai video kaw na hpa sharin la lu ai kun?

  Your answer