9:62

Hkauna htu ai wa gaw shawng de sha yu ra nna, shingdu hta byin nga ai hpe kayin yu nna, myit bra hkra n mai galaw ai. Dai zawn sha, Hkristan langai mung, mungkan hta shi tawn kau da sai ni hpe bai myit nna, shi hkum shi myit bra na ahkang n mai jaw ai.​—⁠Hpl 3:14.

Yakhkak wa ai shaloi, moi na prat gaw grau kaja ai ngu nna, anhte tsun chye ai. Dai hku tsun ai gaw, moi pyaw wa ai lam ni hpe grai shapau tsun nna, yakhkak wa ai ni hpe gaw malap masu su ai re. Dai gaw, Egutu mung hpe tawn kau wa ai Israela masha ni zawn re. (Bhk 11:5, 6) Anhte dai zawn myit la ai rai yang, teng man ai lam hpe n chye shi ai, aten de bai nhtang wa na matu, hkalem hkrum na re. Karai a Mungdan npu hta galaw ya na, htawm hpang na ngwi pyaw lam ni hpe myit maju jung nna, ya lu nga ai shaman chyeju ni hpe, myit ai gaw grau kaja ai.​—⁠2 Ko 4:16-18.