Yehowa gaw moi na matsan ai Israela ni hpe karum ya wa ai. Dai ni aten na matsan ai shi a mayam ni hpe mung, gara hku karum ya nga ai kun?

• Ja gumhpraw hte seng nna rap ra ai ningmu nga hkra sharin ya ai.​—Luk 12:15; 1Tm 6:6-8

• Tinang hkum hpe hkungga chye hkra karum ya ai.​—Yob 34:19

• Bungli shakut na matu hte hkra machyi shangun ai arawn alai ni hpe koi na matu sharin ya ai.​—Gsh 14:23; 20:1; 2Ko 7:1

• Tsawra myit hpring ai hpunau hpung de woi wa ai.​—Yhn 13:35; 1Yh 3:17, 18

• Myit mada lam jaw ai.​—Shk 9:18; Esa 65:21-23

Hpa yakhkak jam jau lam ni hkrum tim, anhte myit tsang n ra ai. (Esa 30:15) Karai a Mungdan hpe shawng tawn ai nga yang, anhte ra kadawn ai lam ni hpe Yehowa madi shadaw ya na re.​—Mat 6:31-33.

TSAWRA MYIT GAW AGRIN NGA AI . . . MATSAN AI RAITIM—KON-GU VIDEO HPE YU NNA, LAWU NA GA SAN NI HPE HTAI U:

• Ginwang zuphpawng galaw ai shara a makau kaw nga ai hpunau ni gaw, zuphpawng sa lung ai ni hpe gara hku lanu lahku ya wa ai kun?

• Ndai video gaw matsan ai ni hpe Yehowa madun ai tsawra myit hte seng nna hpa sharin ya ai kun?

• Arung arai kade sha mi nga ai raitim, Yehowa hpe gara hku kasi mai la ai kun?