September shata hta masha shagu hpe Htani Htana Ngwi Pyaw Ai Prat! brochure garan nna, chyum ga sharin hpe anhte yawng galaw hpang na re. Hkaw tsun masha ni gaw hkying hkum 30 hte aten kadun ningshawng galaw na matu lata mai ai. Kemping hta gara hku shang lawm lu na?

• Hkaw Tsun Ten Hta: Nta madu myit lawm wa hkra, brochure a jahtum laika man hpe akyu jashawn u. Chyum ga sharin gara hku galaw mai na hpe hkrang shala dan u. Myit lawm ai lam madun ai ni, bai kawan ai lam galaw nga ai ni hpe myit hta bang da u. Chyum ga sharin na matu n hkap la wa ai ni pyi, ndai hkaja ladat nnan hpe myit lawm wa chye ai. Masha n nga ai nta ni hta laika hkum tawn da. Moi de myit n lawm wa ai ni hpang de laika hkum sa ya. Nawku Hpung Komiti gaw September shata laman, hkaw tsun bungli a matu hkrum zup hpawng ni hpe kahtap nna lajang ya na re.

• Kaga Ahkaw Hkang Ni: Na a nawku hpung hta laili laika mara ai leng hpe akyu jashawn ai rai yang, Htani Htana Ngwi Pyaw Ai Prat! brochure hpe mara da u. Myit lawm ai lam madun ai ni hpe, ndai laika hte manu jahpu n jaw ra ai sha chyum ga sharin galaw mai ai lam hpe kadun dawk madun dan u. Shing nrai, hpang de madun ya na matu lajang u. Mahkrum madup law ai hkaw tsun masha ni hpe hpaga lawk de sa nna, chyum ga sharin galaw na matu saw shaga lu na matu magam hpa-awn lajang ya na re. Bungli manang ni, masat kaman sakse hkam ai aten hta hkrum ai ni hpe mung, chyum ga sharin na matu saw shaga mai ai.

Yesu gaw “sape shatai let . . . sharin shaga ya mu” ngu nna hkang da ai. (Mat 28:19, 20) Ndai laksan kemping hta Htani Htana Ngwi Pyaw Ai Prat! brochure hpe akyu jashawn nna, Yesu a hkang da ai lam hpe madat lu u ga.