Akyu hpyi ga ni hpe Yehowa htai ya ai lam, Chyum Laika hta law law lawm ai. Karai a mayam ni gaw tinang a myit tsang lam ni hpe Yehowa madat ya nna karum ya ai hpe mu lu ai majaw, makam masham ngang kang wa ai. Dai majaw akyu hpyi ai shaloi, lama ma a matu laksan hpyi nna, Yehowa gara hku mahtai jaw ai hpe chye hkra galaw ra ai. Tinang ra ai mahtai n re ai, tinang lu mayu ai mahtai hta grau kaja nga ai ni mung nga ai. (2Ko 12:7-9; Ehp 3:20) Anhte a akyu hpyi ga ni hpe Yehowa gara hku htai ya ai kun?

• Manghkang hpe hparan lu na matu, myit masin, hkum hkrang hte wenyi lam ni hta n-gun jaw ai.​—Hpl 4:13

• Kaja ai hku dawdan lu na matu hpaji byeng-ya jaw ai.​—Yak 1:5

• Galaw mayu ai myit hte galaw lu ai atsam jaw ai.​—Hpl 2:13

• Myit tsang ai shaloi myit simsa lam jaw ai.​—Hpl 4:6, 7

• Kaga masha ni hpe akyu jashawn nna, myit masin hte hkum hkrang hpe lanu lahku ya ai.​—1Yh 3:17, 18

• Tinang akyu hpyi ya ai ni hpe karum ya ai.​—Kas 12:5, 11

YEHOWA GAW “AKYU HPYI AI GA MADAT MARA AI WA” VIDEO HPE YU NNA LAWU NA GA SAN NI HPE HTAI U:

• Hkamja lam a majaw shadawn sharam sha galaw lu wa ai shaloi, hpunau Shimizu a mahkrum madup gaw gara hku n-gun lu shangun ai kun?

• Hpunau Shimizu hpe gara hku kasi la lu ai kun?