Tsun shaga ladat ni hpe atsawm hkyen lajang da ya ai majaw, hkaw tsun magam hta grai asung shang ai ngu, hkaw tsun masha ni tsun ai. Buga ginra langai hte langai a masa ni n bung ai majaw hkaw tsun masha ni gaw, hkaw tsun magam hta masha ni myit lawm na zawn re ai kaga hkaw tsun ladat (sh) kaga lam hpe bawngban mai ai. Raitim, laksan kemping a matu lam matsun ni hpe chyawm gaw yawng hkan sa ra ai. Anhte a bandung gaw Mungdan kabu gara shiga hkaw tsun ra na ngu ai Yesu htet da ai ga hpe madat na matu re.​—Mat 24:14.

Jawng ma lit hpe galaw ai shaloi hkaw tsun masha ni gaw, Hkristan Prat hte Magam hta lawm ai tsun shaga ladat ni hpe bawngban ra ai. Hpa n matsun da yang, tinang buga a matu htap htuk ai ga san, chyum daw, bai kawan na matu ga san, hkrang shala hpe lang mai ai. Ndai gaw 2020, June shata a zuphpawng shaman laika, laika man 8 hta lawm ai lam matsun hpe bai gram da ai re.