Hkristan Prat Hkrun Lam
Hkaw Tsun Bungli Hta Grau Kaja Hkra Galaw Ai Lam—Video Ni Hte Sharin Ya U
Hpa Majaw Ahkyak:
Video ni gaw myit lawm hpa re ai majaw, yu ai ni a salum kata du hkra matsing lu na matu karum ya ai. Yehowa gaw sharin achyin ai shaloi hkrang madun sumla ni hpe jailang ai lam hta kasi kaja madun wa ai.—Kasa 10:9-16; Shi. 1:1.
Karai Kasang Kaw Amying Nga Ai Kun?, Chyum Laika A Madu Gaw Kadai Rai?, Chyum Laika Gaw Teng Man Ai Hpe Anhte Gara Hku Kam Mai Na Kun? ngu ai video ni gaw Kabu Gara Shiga brochure a daw 2 hte 3 hte seng ai video ni re. Chyum Laika Hpe Hpa Majaw Hkaja Ra Ai Kun?, Chyum Laika Sharin Ai Lamang Hpe Gara Hku Galaw A Ta?, Nawku Htingnu Hta Hpa Ni Galaw A Ta? ngu ai video ni gaw Chyum Laika sharin na matu (sh) zuphpawng ni sa lung na matu n-gun jaw Ya ai. Kaga video ni hpe mung Chyum Laika sharin ya ai shaloi jailang mai ai.—km 5/13 3.
Galaw Mai Ai Lam:
-
Nta madu hpe madun na matu video ni hpe download galaw da u
-
Video hte mahtai lu jaw ai ga san langai (sh) lahkawng hpe shajin da u
-
Video hpe arau yu u
-
Madung lam hpe bawngban u
Galaw Yu U:
-
Garan laika a jahtum laika man hta nga ai Scan code kaw nna Chyum Laika Hpe Hpa Majaw Hkaja Ra Ai Kun? ngu ai video hpe madun ya u
-
Chyum Laika Gaw Teng Man Ai Hpe Anhte Gara Hku Kam Mai Na Kun? ngu ai video hpe madun nna, Kabu Gara Shiga brochure hpe garan u, daw 3 hpe madun u
