2018, January kaw nna, Anhte A Hkristan Prat Hte Magam​—Zuphpawng Shaman Laika Buk a makawp hta tsun shaga ladat ni hpe shalawm ya wa ai. Dai ni hpe anhte gara hku akyu jashawn mai ai kun?

Jawng Ma Lit Lu Ai Shaloi: Tsun shaga ladat hta lawm ai ga san, Chyum daw hte matut mahkai ngu ai ni hpe lang mai ai. Raitim, tsun shaga ladat video hte maren, ga si shagu hpe hkan tsun ra na ngu ai lachyum gaw n re. N bung ai masa ni hku nna shachyen shaga ai lam hte sawn dinglik ai lam ni hpe galaw mai ai. Laksan n matsun da yang, Sharin Achyin Hkingrai Ni hta na laili laika langai hpe garan mai ai.

Hkaw Tsun Ai Shaloi: Karum shingtau lu hkra tsun shaga ladat ni hpe lajang da ya ai. Lama na, langai ngai gaw grau nna chye mayu ai, teng sha myit lawm ai lam madun jang, tsun shaga ladat hta na bai kawan ai lam hpe lang mai ai. Tsun shaga ladat ni (sh) kaga n bung ai lam lama ma hpe mung galai shai mai ai. Lai wa sai shata na lam (sh) na a hkaw tsun lawk hta grau hkap la ai kaga Chyum daw hpe lang mai na kun? Masha ni myit lawm na zawn re ai buga shiga ni (sh) ya hte laman byin ai mabyin ni nga ai kun? Tsun shaga ladat hpe galai shai mai tim, madung yaw shada lam gaw “kaga masha ni hpe kabu gara shiga hkaw tsun lu na matu, kabu gara shiga a matu yawng mayawng hte hpe hkan galaw” ai lam rai ging ai.​—1Ko 9:22, 23, NW.