Yeremia gaw Yuda masha ni hpe shanhte a Karai Kasang Yehowa hpe malap kau ai majaw, jahten hkrum sana ngu sadi jaw wa ai. (Yer. 13:25) Israela masha ni dai zawn yawn hpa masa gara hku nna hkrum wa ai kun? Israela dinghku ni gaw Karai Kasang hte kaja ai hku hkau lam n nga mat sai. Dinghku hpe woi awn nga ai ni gaw, Yehowa a lam matsun re ai Tara Jahprang 6:​5-7 hpe n hkan sa ai lam dan dawng nga ai.

Dai ni aten hta, wenyi lam kaja ai dinghku ni gaw, anhte a nawku hpung ni hpe madi sha­daw ya lu ai. Dinghku hpe woi awn ai ni gaw, shanhte a nta masha ni Yehowa hpe myit dum nga na matu, akyu rawng ai Dinghku Nawku lamang hpe ayan galaw nga ra ai. (Shk. 22:27) “Ga Ndai Hpe Na A Kraw Lawang E Gun Nga U”​—⁠Kun Dinghku Hkrum San Shaga Ai Lam ngu ai video hpe yu ngut ai hpang, ndai ga san ni hpe htai u:

• Dinghku nkau mi gaw dinghku nawku galaw lu na matu, gara mayak mahkak ni hpe awng dang wa sai kun?

• Dinghku Nawku lamang hpe ayan galaw ai majaw, hpa shaman chyeju ni lu wa ai kun?

• Dinghku nawku galaw na matu gara yak hkak ai lam ni nga ai kun? Dai hpe ngai gara hku tawt lai lu na kun?