HPA MAJAW AHKYAK: Hkyen lajang ai shaloi, Chyum ga sharin gaw shi hpe sharin da ya ai lam ni hpe myit dum nna, grau chye na wa na re. Shanhte matsing nna chye na wa ai shaloi, alawan rawt jat wa na re. Shanhte hkalup hkam ngut yang pyi “amaja nga” na matu, zuphpawng ni hte hkaw tsun magam ni a matu, hkyen lajang ra na re. (Mat 25:13) Dai majaw, gara hku hkaja na hte atsawm hkaja ai lailen nga ai gaw, shanhte a prat hpe akyu jaw na re. Sharin hpang ai aten kaw nna, anhte a Chyum ga sharin ni tau hkrau shajin ai lailen rawt jat hkra karum ya ra ai.

GALAW MAI AI LAM:

• Kasi kaja madun u. (Rom 2:21) Chyum ga sharin langai hpra hpe myit hta bang nna, hkyen lajang u. (km 11/15 3) Mahkret da ai na a laika hpe shi mu hkra madun u

• Hkyen lajang na matu shi hpe n-gun jaw u. Tau hkrau shajin ai gaw, Chyum Laika hkaja ai lamang langai re ai lam hte hpa akyu lu ai lam ni hpe tsun dan u. Hkyen lajang na matu, aten hpe gara hku lajang mai ai lam, tatut hpaji jaw u. Sharin ya ai ni nkau mi gaw, sharin ya nga ai laman, shanhte mahkret matsing da ai ni hpe, Chyum ga sharin mu nna akyu lu na matu, madun dan ma ai. Shi hkyen lajang da ai shaloi shakawn ya u

• Gara hku hkyen lajang na lam shi hpe madun u. Sharin ya ai ni nkau mi gaw, nnan hkaja ai aten kaw nna, gara hku hkyen lajang ra na lam, shanhte a Chyum ga sharin hpe galaw dan ai