• Na a hkring dat hpe ka u. Na a hkring dat hpe lang ai gaw, hpaji n rawng ai ngu hkam sha yang, nawku htingnu a hkring dat hpe lang na matu myitsu salang ni kaw ahkang hpyi mai ai. Shanhte ahkang jaw yang mai lang ai. Raitim, ginjaw garan rung a hkring dat hpe chyawm gaw, nang hpe bai matut mahkai na hkring dat hku nna GALOI MUNG n lang ging ai.

• Shi a mying hpe chye yang, mying hpe ka u. Ndai hku ka ai gaw, hpaga lam hte seng ai ndau shana laika ni hte shut ai kaw nna koi lu na re.

• Htap htuk ai ga si, ga yan, lik tara hte ga hkring ga sa ni hpe myit maju jung u. Laika pa gaw asan sha rai ging ai. Lata hte ka ai rai yang, laika si ni hpe hti mai hkra ka ging ai. Grai hkik hkam ai hku, shing nrai ahpa atang re ai hku n ka ging ai.

Ndai laika ka hkrang hta ndai lam ni lawm ai. Na a lawk na langaingai hpe laika ka ai shaloi, ndai laika hta na ga si yawng hpe lakap nna ka ra na ngu ai, lachyum gaw n re. Laika a yaw shada lam, buga a masa ni hte htung lailen ni hta hkan nna, na a laika hpe galai shai u.