AHKYAK AI LAM: 1 Korinhtu laika gaw, Hkristan ni hpang de Pawlu ka wa ai n-gun jaw laika 14 hta na langai re. Laika ka ai wa gaw laika ka ai shaloi, aten la nna ga si ni hpe atsawm lata ai rai yang, hkap la ai wa mung dai laika hpe kahtap nna hti mayu ai myit rawng wa na re. Laika ka ai gaw jinghku jingyu ni hte manang ni hpe sakse hkam na matu kaja ai lam langai re. Ndai ladat gaw, anhte nan hkrum nna n lu shaga ai masha ni hpe sakse hkam ai hta mung akyu nga ai. Ga shadawn, myit lawm ai lam madun ai marai langai ngai hpe nta hta mu na matu yak chye ai. Anhte a hkaw tsun lawk hta na nkau mi gaw, shimlum lam shaja da ai htingnu ni, wang chyinghka kaba pat da ai shara ni hte san san re ai shara ni hta nga ai majaw, shanhte hpang de du na matu yak chye ai. Masha tsasam hpang de laika ka ai shaloi, gara lam ni hpe matsing da ra na kun?

GALAW MAI AI LAM:

• Dai masha hpe gara lam tsun na hpe ka u. Na a lam shawng shachyen nna laika hpe hpang u. Nang hpa majaw laika ka ai lam hpe asan sha tsun dan u. Shi myit yu na matu ga san langai hpe mung san nna, anhte a website hpe matsun ya u. Dai hpang, nta hta Chyum Laika sharin ai lamang a lam (sh) hkaja mai ai laika kaw na ga baw nkau mi hpe mung tsun dan u. Laili laika, matut mahkai card, saw shaga laika (sh) garan laika zawn re ai ni hpe mung bang shalawm mai ai

• Kadun ai hku ka u. Na a laika gaw grai galu ai nga yang, hkap la ai wa gaw laika hti ba wa na re.​—⁠Laika ka hkrang hpe yu u

• Laika gaw asan sha rai nna hti manu ra ai. Hku hkau ai zawn, hpaji rawng ai hte kaja ai ningmu hku ka u. Dazik hkum tsup hkra shakap na hte laika sa shabrai jaw u