Hkrang madun sumla ni gaw, yu nga ai wa hpe myit maju jung lu hkra hte shi sharin la ai lam hpe chye na wa nna matsing hkra karum ya lu ai. Anhte a Grau Htum Ai Lam Matsun Madu re ai Yehowa gaw, hkrang madun sumla ni hpe lang nna ahkyak ai lam ni hpe sharin ya ai. (Nin 15:5; Yer 18:1-6) Grau Htum Ai Sara Yesu mung, dai zawn lang wa ai. (Mat 18:2-6; 22:19-21) Lai wa sai shaning ni hta, akyu grai rawng ai hkrang madun sumla a hkrang langai gaw video re. Na a Chyum ga sharin hpe sharin ya ai shaloi, video ni hpe atsawm lang nga sai kun?

Karai Kasang Kaw Na Kabu Gara Shiga brochure hta na daw ni hpe sharin ya ai shaloi, lang na matu video 10 hpe lajang da ya sai. Video ga baw langai hpra gaw, brochure kaw na grau chyang hkra ka da ya ai ga san ni hte matut mahkai nga ai. Electronic hkrang hta matut mahkai da ai link ni gaw, video langai hpra hpe madun na matu shadum ya ai. Dai hta n-ga, Sharin Achyin Ya Lu Ai Hkingrai hta lawm ai laili laika ni a matu video ni mung nga ai.

Na a Chyum ga sharin chye na yak ai Chyum laika lam langai hpe bawngban nga ai kun? Shing nrai, Chyum ga sharin gaw, mayak mahkak langai hkrum nga ai kun? jw.org® hte JW TV Lamang® kaw na, shi hpe karum ya lu ai video ni hpe tam yu u. Nang hte na a Chyum ga sharin rau yu ai shaloi, dai lam hpe bawngban u. 

Shata shagu, video nnan ni hpe shapraw ya nga ai. Dai ni hpe yu nna, kaga masha ni hpe sharin ya ai shaloi, gara hku lang mai na hpe myit yu u.