Moba pa layang hta Israela ni byin wa ai lam gaw, Hkristan ni a matu sadi jaw ai lam langai re. (1Ko 10:6, 8, 11) Israela ni gaw sumla nawku ai Moba num ni a hkalem ai hpe hkrum nna, ngang akyang hten wa ai. De a majaw grai hkra machyi ai lam ni hkrum wa ai. (Bhk 25:9) Anhte mung Yehowa hpe n nawku ai jawng manang ni, bungli manang ni, htingbu ni, jinghku jingyu ni hte hkau ai manang ni a grupyin kata e nga nga ai. Shanhte kaw na langai ngai hte hkau ai pyi shoihpa nga ai lam, ndai Chyum Laika labau kaw nna hpa sharin la lu ai kun?

DAI NI TEN NA ANHTE A MATU SADI JAW LAM​—KADUN VIDEO HPE YU NNA, LAWU NA GA SAN NI HPE HTAI U:

• Zimri hte kaga masha ni gaw shut ai myit sawn sumru lam, Yamin hpe gara hku madun wa ai kun?

• Hpineha gaw Yamin hpe jaw ai ningmu nga hkra gara hku karum ya wa ai kun?

• N kamsham ai wa hte yu maya hkau ai hte manang byin ai a lapran hpa shai ai kun?

• Nawku hpung hta pyi grai hkau ai manang ni hpe lata ai shaloi, hpa majaw grai sadi ra ai kun?

• Anhte n chye ai ni hte internet hte shawa matut mahkai media kaw nna kanawn mazum ai hpe hpa majaw koi ging ai kun?