“Ngwi pyaw ai Karai Kasang” gaw hkaw tsun bungli kaw na, ngwi pyaw lam lu shangun mayu ai. (1Tm 1:11) Anhte atsam rawt jat hkra galaw yang, grau pyaw wa na re. Ga san san ai gaw, myit lawm wa hkra galaw ya ai hte tsun shaga loi shangun ai. Masha ni myit sawn sumru wa hkra mung karum ya ai. (Mat 22:41-45) Ga san san ngut ai hpang madat ya ai gaw, shi hpe ahkyak shatai ai lam madun ai re. (Yak 1:19) Shanhte bai tsun ai mahtai gaw, shanhte hte gara hku shaga na lam chye shangun ai.

SAPE SHATAI AI BUNGLI GAW KABU GARA SHANGUN​—ATSAM NINGJA NI RAWT JAT HKRA GALAW​—GA SAN NI SAN U VIDEO HPE YU NNA, LAWU NA GA SAN NI HPE HTAI U:

• Jik gaw kaja ai gara atsam ningja ni hpe madun wa ai kun?

• Nita gaw ga san san nna myit lawm ai lam gara hku madun ai kun?

• Nita gaw Jik grau myit lawm wa hkra, gara hku ga san san wa ai kun?

• Kabu gara shiga hpe Jik grau myit lawm wa hkra Nita gara hku san wa ai kun?