Mayak mahkak ni gaw anhte hpe aloi sha myit daw shangun chye ai. Grau nna gaw aten na wa yang re. Dawi gaw, Hkawhkam Shawlu a majaw hkrum ai manghkang ni, lani mi hta htum mat na hte Yehowa ga sadi jaw da ai hte maren, shi hkawhkam byin wa na hpe chye ai. (1Sa 16:13) Dawi a makam masham gaw, masa ni hpe Yehowa galai shai ya na aten hpe myit galu let la nga na matu karum ya ai.

Mayak mahkak ni hkrum ai shaloi, masa lam hpe galai shai na matu, hpaji byeng-ya, zai byeng-ya (sh) sawn sumru chye ai nyan ni hpe akyu jashawn ra chye ai. (1Sa 21:12-14; Gsh 1:4) Raitim, Chyum Laika npawt tara ni hte maren anhte dang lu ai yawng hpe galaw yang pyi, mayak mahkak nkau naw nga chye ai. Ndai zawn masa ni hta, Yehowa hpe myit galu let anhte la ra ai. Kade n na yang, Yehowa gaw anhte a jamjau ai lam yawng hpe jahtum kau ya nna, “myi prwi pru mapru katsut kau ya” sana re. (Shr 21:4) Yehowa gaw shi nan shang karum nna rai rai, kaga lam ni hku nna rai rai, mayak mahkak yawng htum mat na nhtoi galaw ya na re. Ndai teng man lam gaw anhte hpe shalan shabran ya ai.

MYIT BRA NGA AI MUNGKAN NA KAHKYIN GUMDIN NGA AI AMYU MASHA VIDEO HPE YU NNA, LAWU NA GA SAN NI HPE HTAI U:

• Amerikan Mungdan Dingda maga daw kaw na Hkristan nkau gaw, gara mayak mahkak ni hpe hkrum wa ai kun?

• Tsawra myit hte myit galu ai lam hpe shanhte gara hku madun wa ai kun?

• “Grau ahkyak ai lam ni” hpe matut nna shanhte gara hku myit maju jung wa ai kun?​—Hpl 1:10, NWT