Dawi gaw Yehowa hpe kamhpa ai majaw, Goliath hpe gasat awng dang wa ai. (1Sa 17:45) Yehowa gaw shi a mayam ni a matu, hpung atsam hpe madun mayu ai. (2Hl 16:9) Tinang a mahkrum madup hte atsam ningja ni hpe n re ai sha, Yehowa a karum shingtau lam ni hpe gara hku kamhpa mai ai kun? Ndai lam masum hku nna re:

• Chyahkring hkring akyu hpyi ai. Mara galaw hkrup ai shaloi mara raw ya na matu sha n-ga, chyam dinglik ai lam ni hkrum ai shaloi hkamajan lu na atsam jaw ya na matu mung hpyi mai ai. (Mat 6:12, 13) Jahkrat ngut sai dawdan lam ni hpe shaman chyeju jaw na matu hpyi na malai, n jahkrat shi ai dawdan lam ni a matu lam matsun hte nyan hpaji hpyi u.​—Yak 1:5

• Chyum Laika hti ai hte hkaja ai arawn alai nga ai. Shani shagu Chyum Laika hti u. (Shk 1:2) Chyum Laika kaw na kasi ningni ni hpe aten la myit sawn sumru nna, sharin la wa ai lam ni hpe tatut hkan sa u. (Yak 1:23-25) Hkaw tsun bungli a matu tinang a mahkrum madup hpe kamhpa na malai tau hkrau hkyen lajang da u. Zuphpawng ni a matu tau hkrau hkyen lajang ai hku nna, nawku zuphpawng ni kaw nna akyu hpring tup lu hkra galaw u.

• Yehowa a uhpung hte rau jawm galaw ai. Uhpung a hpang jahtum lam matsun ni hpe kalang ta hkan sa u. (Bhk 9:17) Myitsu salang ni a lam matsun hte hpaji jaw ga hpe madat mara u.​—Heb 13:17

ZINGRI ZINGRAT LAM HPE HKRIT N RA VIDEO HPE YU NNA, LAWU NA GA SAN NI HPE HTAI U:

• Gara hkrit hpa lam ni hte hpunau nauna ni hkrum wa ai kun?

• Shanhte a hkrit ai myit hpe tawt lai lu na matu hpa gaw karum ya ai kun?