San seng ai arawn alai nga ai ni gaw Yehowa hte hku hkau lu ai. (1Pe 1:14-16) N kaja ai arawn alai ni hpe tawt lai lu wa ai chyum ga sharin ni gaw, kun dinghku, hkamja lam hte ja gumhpraw lam ni hta mung akyu lu na re.

Yehowa a akyang lailen hte seng ai tsang madang ni hpe shanhte hte sawn sumru nna, dai hpe hkan sa yang akyu lu na lam asan sha sanglang dan u. Chyum ga sharin ni a myit mang lam hte arawn alai ni hpe galai shai lu hkra karum ya u. (Ehp 4:22-24) Shaning law law galaw wa ai n kaja ai arawn alai ni hpe jahkring kau lu hkra, Yehowa lu karum ya ai hpe kam hkra tsun dan u. (Hpl 4:13) Mara galaw mayu ai myit pru wa yang, Yehowa hpe akyu hpyi na matu na matu sharin ya u. Chyam dinglik hkrum chye ai masa ni hpe chye hkra galaw nna koi chye hkra karum ya u. N san seng ai arawn alai ni hpe galaw na malai, akyu jaw na kaja ai lam ni hpe galaw na matu n-gun jaw u. Yehowa a karum shingtau hte chyum ga sharin ni galai shai lu wa ai hpe, nang mu ai shaloi kabu gara lam hkamsha lu na re.

CHYUM GA SHARIN NI HPE KARUM YA U . . . N SAN SENG AI LAILEN NI HPE TAWT LAI LU HKRA VIDEO HPE YU NNA, LAWU NA GA SAN NI HPE HTAI U:

• Myitsu salang ni hte Nita gaw Jik hpe kam ai lam gara hku madun wa ai kun?

• Jik hpe Nita gara hku karum ya wa ai kun?

• Yehowa a karum shingtau hpe Jik gara hku tam wa ai kun?