April 29–May 5
SHAKAWN KUNGDAWN 34-35
Mahkawn 10 hte Akyu Hpyi | Ga Nhpaw (min. 1)
1. “Aten Shagu Yehowa Hpe Shakawn U”
(min. 10)
Yakhkak hkrum nga ai aten ni hta pyi Dawi gaw Yehowa hpe shakawn (Shk 34:1; w07-BU 3/1 20 ¶11)
Dawi gaw shi hkum shi hpe n re ai sha Yehowa hpe shagrau (Shk 34:2-4; w07-BU 3/1 21 ¶13)
Karai Kasang hpe shakawn ai Dawi a ga ni gaw shi a manang ni hpe mung n-gun lu shangun (Shk 34:5; w07-BU 3/1 22 ¶15)
Abimelek a lata kaw na Dawi lawt wa ai hpang, Shawlu hpe nju ndawng ai masha 400 daram gaw Dawi hte sa pawng ai. (1Sa 22:1, 2) Dai masha ni a lam hpe myit nna ndai shakawn mahkawn hpe Dawi ka wa ai mai byin ai.—Shk 34, ntsa na ga yan.
TINANG HKUM TINANG SAN U, ‘Du wa na nawku zuphpawng hta langai ngai hte ga shaga ai shaloi Yehowa hpe ngai gara hku shakawn mai ai kun?’
2. Wenyi Sut Gan Ni
(min. 10)
-
Shk 35:19—Dawi gaw shi hpe nju ai ni “myi kunglau n rai” na matu hpa majaw akyu hpyi wa ai kun? (w06-BU 5/15 20 ¶1)
-
Ndai bat Chyum hti lamang kaw nna, gara wenyi sut gan hpe tsun dan mayu ai kun?
3. Chyum Hti Lamang
(min. 4) Shk 34:1-22 (th hkaja 5)
4. Tsun Shaga Hpang Ai Lam
(min. 2) MASAT KAMAN SAKSE HKAM AI LAM. N hkaw tsun shi yang tsun shaga ai lam hkring mat. (lmd daw 1 nambat 4)
5. Bai Kawan Ai Lam
(min. 4) MASAT KAMAN SAKSE HKAM AI LAM. (lmd daw 2 nambat 4)
6. Na A Makam Masham Hpe Sanglang Dan U
(min. 5) Hkrang shala u. ijwfq 59—Madung Lam: Poi Langai Hpe Galaw Mai N Mai, Yehowa Sakse Ni Gara Hku Daw Dan Ai Kun? (Myen) (th hkaja 17)
Mahkawn 59
7. Zuphpawng Ni Hta Yehowa Hpe Shakawn Mai Ai Lam Masum
(min. 15) Bawngban u.
Nawku hpung zuphpawng ni hta Yehowa hpe laksan hku nna shakawn lu ai. Lam masum hte shakawn lu ai.
Tsun shaga ai shaloi: Kaga ni hte tsun shaga ai shaloi Yehowa a mai kaja ai lam ni tsun mai ai. (Shk 145:1, 7) Hti ai, na ai lam langai ngai kaw na nang akyu lu ai kun? Hkaw tsun bungli hta kaja ai mahkrum madup lu wa ai kun? Langai ngai tsun ai ga hkaw mi, galaw ai lam langai a majaw n-gun lu mat ai kun? Hpan da lam langai ngai hpe yu nna grai mau mat ai kun? Dai lam ni yawng gaw Yehowa jaw ai kumhpa re. (Yak 1:17) Zuphpawng de minit loi jau jau sa nna kaga ni hte ga shaga na matu shakut u.
Mahtai jaw ai shaloi: Zuphpawng shagu hta yawm htum mahtai langai jaw na matu shakut u. (Shk 26:12) Dingtawk mahtai jaw mai ai (sh) kahtap sanglang da ai lam, chyum daw, sumla, tatut hkan sa mai ai lam ni hpe htai mai ai. Tinang htai na laika pang hta, kaga ni mung lata sharawt chye ai majaw law law shajin da u. Setkan 30 hta n jan hkra htai yang, kaga ni mung Karai Kasang hpe “shakawn kungdawn hkungga” jaw lu na re.—Heb 13:15.
Mahkawn hkawn ai shaloi: Mungdan mahkawn ni hpe myit rawt let mahkawn u. (Shk 147:1) Nawku hpung kaba yang, zuphpawng shagu hta mahtai jaw na matu n shaga hkrum ai aten ni nga chye ai. Raitim, mahkawn hkawn ai aten hta galoi mung shang lawm mai ai. Mahkawn atsawm n chye mahkawn yang pyi, dang lu ai made mahkawn shakawn yang, Yehowa grai kabu na re. (2Ko 8:12) Nta hta tau hkrau nna mahkawn shaman da mai ai.
Shamu Shamawt Nga Ai Labau—Mahkawn Kumhpa, Daw 1 VIDEO madun u. Shawa hpe san u:
Ya aten na uhpung a labau nnan daw hta, Yehowa hpe shakawn mahkawn ai lam hpe gara hku ahkyak shatai wa ai kun?
8. Hpung Chyum Laika Hkaja Hpawng
(min. 30) bt-BU daw 9 ¶1-7, daw kaba 3 hpe shachyen hte lm. 70 kaw na lawk
