La langai gaw dinghku hka na nga yang, tara shang laika lajang na matu, Mawshe a Tara gaw hpyi shawn da ai. Dai gaw, dinghku hpe lawan ladan n hka bra na matu re. Raitim, Yesu a prat hta nawku htung ningbaw ni gaw, dinghku hpe aloi sha hka ya ma ai. La ni gaw shanhte a madu jan hpe lam amyu myu hte jahka mai ai. (nwtsty hkaja matsing hta na Mrk 10:4, 11) Yehowa a ahkang aya hku nna dinghku hpe shagrin ya ai lam, Yesu tsun wa ai. (Mrk 10:2-12) Madu jan hte maju wa gaw, htani htana “hkum shan langai” sha rai mat sai. Mahte laika hku nna, dinghku hka bra lu ai lam gaw “hpye ai” amu langai sha nga ai lam chye lu ai.​—⁠Mat 19:9.

Dai ni, dinghku hte seng nna masha law law gaw, Yesu a ningmu hku n re ai sha, Hparishe ni a ningmu hku rai taw ai. Manghkang nga wa yang, shanhte gaw lawan ladan hka kau ma ai. Hkristan dinghku ni chyawm gaw, dai zawn n re ai sha, shanhte a dinghku ga sadi hpe grai ahkyak shatai ma ai. Manghkang ni nga wa ai shaloi, Chyum Laika npawt tara ni hpe hkan sa nna hparan ma ai. Tsawra Myit Hte Hkungga Ai Gaw Dinghku Hpe Kahkyin Gumdin Ya, ngu ai video hpe yu ngut ai hpang, ndai ga san ni hpe htai u:

• Ga Shagawp 15:1 hpe na a dinghku hta gara hku hkan sa lu na kun? Hpa majaw ahkyak ai kun?

• Ga Shagawp 19:11 hpe hkan sa nna, manghkang ni hpe gara hku koi yen mai na kun?

• Na dinghku hpe myit htum mat sai nga yang, ‘Dinghku hka ging ai kun?’ ngu nna myit na malai gara ga san ni hpe myit ra ai kun?

• Mahte 7:12 hpe hkan sa nna, grau kaja ai madu jan, madu wa gara hku byin lu na kun?