9:1-7

Nsam galai shai ai shingran hta sumsing lamu na Wa gaw, shi hpe tsawra ai ngu tsun ai hpe Yesu na ai shaloi, gara hku hkam sha na hpe shingran yu u. Ndai gaw shi hkrum wa na, mayak mahkak ni hpe hkam jan lu hkra, shi hpe sha-ngang ya wa ai. Petru, Yaku hte Yawhan ni hpe mung ndai shingran gaw grai akyu jaw wa ai. Yesu gaw Meshia teng sha rai nna, shi a ga hpe shanhte teng sha madat ging ai. Shaning 32 na ai hpang, Petru gaw dai “myihtoi ga” shi hpe makam masham hta, gara hku sha-ngang ya wa ai hpe naw myit dum nga ai.​—⁠2 Pe 1:16-19.

Ndai shingran hpe anhte nan n mu lu tim, hpring tsup wa ai lam hpe anhte sakse hkam nga ga ai. Yesu gaw hpung atsam kaba ai Hkawhkam hku nna, up hkang nga ai. Kade n na yang, shi gaw “tsep kawp awng dang” ai hku nna, dinghpring ai mungkan nnan hpe lam hpaw ya na re.​—⁠Rom 6:2, NW.

Chyum Laika myihtoi ga ni hpring tsup wa ai hpe mu ai majaw, na a makam masham gara hku ngang kang wa sai kun?