Tsawra myit gaw, nta masha ni hpe magyep kap wa shangun ai. Tsawra myit n nga yang, nta masha ni kahkyin gumdin na matu hte jawm galaw na matu yak chye ai. Madu wa, madu jan hte kanu kawa ni gaw, kun dinghku hta gara hku tsawra myit madun mai ai kun?

Tsawra myit nga ai madu wa gaw, madu jan a ra kadawn ai lam, hkamsha ai lam hte ningmu ni hpe myit ya na re. (Ehp 5:28, 29) Shi gaw wenyi lam hte hkum hkrang lam ni hpe madi shadaw ya nna, Dinghku Nawku hpe mung ayan galaw ya ai. (1Tm 5:8) Tsawra myit nga ai madu jan gaw, madu wa a npu taw nna “hkrit hkungga” na re. (Ehp 5:22, 33; 1Pe 3:1-6) Ningrum ningtau shada da sharawng awng let mara raw hkat ra ai. (Ehp 4:32) Tsawra myit nga ai kanu kawa ni gaw, ma langai hpra hpe myit lawm ai lam madun nna, Yehowa hpe tsawra wa hkra sharin ya ai. (Trj 6:6, 7; Ehp 6:4) Jawng kaw, ma ni hpa mayak mahkak ni hkrum ai kun? Manang shada a dip n-gun ni hpe gara hku hparan ai kun? Kun dinghku kata tsawra myit hte hpring nga yang, nta masha yawng shimlum ai ngu hkamsha na re.

AGRIN NGA AI TSAWRA MYIT HPE KUN DINGHKU HTA MADUN U VIDEO HPE YU NNA, LAWU NA GA SAN NI HPE HTAI U:

• Tsawra myit nga ai madu wa gaw, madu jan hpe tsawra nna gara hku lanu lahku ai kun?

• Tsawra myit nga ai madu jan gaw, madu wa hpe hkungga ai lam gara hku madun ai kun?

• Tsawra myit nga ai kanu kawa ni gaw, ma ni hpe Karai a Mungga gara hku sharin ya ai kun?