“Hpang jahtum na nhtoi ni” a jahtum daw hta, mayak mahkak ni grau hkrum wa na hpe anhte myit mada ai. (2Tm 3:1; “kyin dut” nwtsty hkaja matsing hta na Mat 24:8) Shingra tara tsin-yam tsindam hkrum ai shaloi, Yehowa a masha ni gaw asak shimlum lam hte seng ai lam matsun ni hpe, ayan na aten dep lu la ai. Anhte a lawt lam gaw, wenyi lam hte hkum hkrang a matu ya aten kawn madat mara nna shajin ai hta madung ai.​—Luk 16:10.

• Wenyi lam a matu shajin: Kaja ai arawn alai nga hkra galaw u. Hkaw tsun bungli hpan amyu myu kawn sharin la u. Nawku hpung kaw na kaga masha ni hte chyahkring chyahkra tsan gang ai aten hta, ladu lai n hkrit ra ai. (Esa 30:15) Yehowa yan Yesu hte nang galoi mung tsan gang na n re.​—od-BU 176 ¶15-17

• Hkum hkrang a matu shajin. Shingbyi na shara hta aten loi na na nga ra wa yang na matu, ra ahkyak ai tsi mawan, hka hte na na hkam ai malu masha ni hpe nhpye hta bang da u.​—Gsh 22:3; g17.5-BU 4, 6

SHINGRA TARA TSIN-YAM A MATU SHAJIN DA SAI KUN? VIDEO HPE YU NNA, LAWU NA GA SAN NI HPE HTAI U:

• Shingra tsin-yam hkrum wa yang na matu, wenyi lam hpe gara hku shajin da mai ai kun?

• Hpa majaw anhte . . .

  • myitsu salang ni hte matut mahkai kaja ra ai kun ?

  • hkyak hkyak lang ra na rai ni bang da ai nhpye hpe shajin da ra ai kun?

  • hkrum chye ai shingra tsin-yam ni hte masa langai hpra hta hpa galaw ra na hpe bai maram ra ai kun?

• Shingra tsin-yam hkrum nga ai ni hpe karum ya mai ai lam 3 gaw hpa ni kun?

TINANG HKUM TINANG SAN U, ‘Tau hkrau shajin ai lam hte seng nna, COVID-19 kap bra ana kawn hpa sharin la lu ai kun?’