N hkum tsup ai masha ni re ai majaw, anhte a ra marin ai myit ni hpe hkang na matu yak ai. Anhte ra ai hku sha galaw yang, Yehowa a myiman sum mat na re. Ga shadawn, masha nkau mi gaw malu masha, bu hpun palawng hte nga shara ni hpe, Karai Kasang htan grau tsawra ai. Nkau mi gaw Karai a tsang madang ni hte nhtan shai ai ngang akyang hten ai hpe ra ai. (Rom 1:26, 27) Nkau rai yang gaw, masha ni a myiman lu mayu ai majaw, shut ai raitim masha law law galaw ai hku hkan galaw ai.​—Pru 23:2.

Anhte a ra marin ai myit ni hpe gara hku hkang na? Yehowa ra sharawng ai lam ni hpe myit maju jung ai hku nna re. (Mat 4:4) Anhte a myit hpe hkang lu hkra karum ya na matu, Yehowa hpe karum hpyi mai ai. Hpa majaw kun? Yehowa gaw anhte a matu kaja htum hpe chye nna, kaja ai ra marin ai myit ni gaw myit dik myit pyaw shangun ai hpe chye ai majaw re.​—Shk 145:16.

AKYU N JAW AI HKAYAWM HPE KOI U VIDEO HPE YU NNA LAWU NA GA SAN NI HPE HTAI U:

• Masha nkau mi hkayawm hpa majaw lu ai kun?

• Hkayawm lu ai gaw nang hpe hpa byin shangun chye ai kun?

• Hkayawm lu ai hte I-Sikaret lu ai gaw hpa majaw shut ai kun?​—2Ko 7:1

• Hkayawm n lu hkrup hkra (sh) Hkayawm hpe dawn kau lu hkra gara hku galaw mai ai kun?