Tingkyeng akyu n tam ai tsawra myit gaw, hpunau nauna ni kaja htum galaw na ngu ai hpe myit mada shangun ai. (1Ko 13:4, 7) Ga shadawn, hpunau langai gaw mara galaw hkrup yang, sharin shaga ai hpe hkap la nna, shi hkum shi shakut nna bai sharai na hpe anhte myit mada ai. Anhte gaw makam masham gawngkya nga ai ni hpe, myit galu let karum ya mayu ai. (Rom 15:1) Langai ngai nawku hpung hpe kau da mat yang, lani mi hta shi bai wa na ngu ai hpe, matut myit mada nga ra ai.​—Luk 15:17, 18.

TSAWRA MYIT A LAILEN NI HPE MYIT DUM U​—YAWNG MAYAWNG HPE MYIT MADA NGA AI VIDEO HPE YU NNA LAWU NA GA SAN NI HPE HTAI U:

• Abna a sadi dung ai lam gara hku galai shai mat ai kun?

• Abna a hpyi shawn ai lam hpe Dawi hte Yoab langai hpra gaw gara hku bai htang ai kun?

• Anhte a hpunau nauna ni hpe hpa majaw kaja htum myit mada ra ai kun?