Ndai mungkan a jahtum ni wa sai hte maren, mungdan kata n simsa ai, nhkru nhkra ai lam hte majan ni law wa ai. (Shr 6:4) Hkrum wa na mayak mahkak ni a matu, anhte gara hku shajin da mai ai kun?

• Sadi dung nga lu hkra shajin da u: Chyum Laika npawt tara ni, Yehowa hte shi a uhpung hpe kamhpa ai myit shangang ya ai Chyum Laika labau ni hpe chye hkra galaw da ai gaw, matut nna lapran tsap nga lu hkra anhte hpe karum ya ai. (Gsh 12:5; jr-BU 125-126 ¶23-24) Ya aten gaw, nawku hpung hte hku hkau lam ngang hkra galaw ra ai aten re.​—1Pe 4:7, 8

• Hkum hkrang a matu shajin da u: Nta n lu htawt yang pyi, ra kadawn ai lam ni hpe shajin da nna, matut shimlum hkra galaw u. Nta kaw na pru ra wa na masa a matu mung shajin da u. La mat na nhpye hta hpa ni bang da na hpe jep nna, hkum hkrang makawp maga arai ni hte gumhpraw ni bang da u. Myitsu salang ni hte gara hku matut mahkai na hte myitsu salang ni hku nna mung, nang hpe matut mahkai lu hkra galaw da u.​—Esa 32:2; g17.5-BU 3-7

N simsa ai aten hta wenyi lam hte seng ai ni hpe matut galaw nga u. (Hpl 1:10, NWT) N ra kadawn ai sha, shara mi kaw na shara mi de htawt ai hpe koi u. (Mat 10:16) Malu masha ni hte kaga arai ni hpe garan ya u.​—Rom 12:13.

SHINGRA TARA TSIN-YAM A MATU SHAJIN DA SAI KUN? VIDEO HPE YU NNA LAWU NA GA SAN NI HPE HTAI U:

• Shingra tara tsin-yam hkrum ai aten ni hta Yehowa gara hku karum ya ai kun?

• Tau hkrau shajin na matu tatut re ai gara lam ni hpe anhte galaw mai ai kun?

• Shingra tara tsin-yam hkrum ai ni hpe anhte gara hku karum ya mai ai kun?