Yesu gaw hkaw tsun magam hta, byin nga ai masa ni hpe akyu jashawn nna sharin ya wa ai. (Luk 13:1-5) Nang mung Mungdan shiga hpe kaga masha ni myit lawm wa hkra, ndai laman byin wa ai masa lam ni hpe akyu jashawn mai ai. Gun rai manu ni grai rawt wa ai lam tsun dan ngut ai hpang, shingra tara tsin-yam a lam, mungdan n simsa ai lam, nanghpam tsi lu sha ai (sh) dai hte bung ai lama ma hte seng nna, myit yu hpa ga san langai san u. Ndai hku san mai ai: “. . .  n nga mat ai hpe mu lu na ngu shadu ai kun? (sh) . . .  hpe hparan lu na ngu nang shadu ai kun?” Dai hpang, dai hte seng ai chyum daw langai hti dan u. Shi myit lawm yang, anhte a Sharin Achyin Hkingrai Ni hta na video (sh) laika hpe matsun ya u. Hkaw tsun lawk na masha ni a myit hpe hkra lu hkra, “kabu gara shiga a matu galaw lu ai lam yawng” hpe anhte shakut galaw ai.​—1Ko 9:22, 23, NWT.

Na a hkaw tsun lawk kaw na masha ni gara lam hpe ra sharawng ai kun?