“Yehowa gaw shi a amyu hta, awng nga ai.” (Shk 149:4) Anhte n hkum tsup tim, anhte a kaja ai atsam ningja ni hte kaja ai hpe galaw lu na masa hpe Shi mu ai. Kalang lang, tinang hkum tinang dai zawn rap ra ai ningmu nga na matu yak chye ai. Kaga ni a kanawn mazum ai lam a majaw, tinang hkum tinang manu n dan ai ngu hkamsha chye ai. Shing nrai, lai wa sai aten na mara ni hpe myit maju jung yang, Yehowa anhte hpe gaja wa tsawra ai kun, n tsawra ai kun ngu nna ntsen ai myit nga wa chye ai. Dai zawn hkamsha ai shaloi, anhte hpe hpa gaw karum ya na kun?

Shinggyim masha n mu lu ai lam hpe Yehowa mu lu ai hpe dum u. (1Sa 16:7) Anhte hkum anhte n mu lu ai lam ni hpe pyi, Shi mu lu ai ngu ai lachyum re. Yehowa anhte hpe gara hku mu mada ai ngu ai hpe, chye na na matu Chyum Laika gaw karum ya ai. Yehowa gaw Shi hpe nawku ai ni hpe, kade daram tsawra ai hte seng nna tsun dan ai chyum daw ni, labau ni hpe hti yang dai hpe chye na lu ai.

YEHOWA A MAN HTA NA A MYIT MASIN HPE AWNG DANG HKRA SHAKUT NGU AI VIDEO HPE YU NNA, LAWU NA GA SAN HPE SAN U:

• Gat shingjawng ai wa hte shi kawa a ga shadawn gaw, Yehowa anhte hpe mu mada ai lam hte seng nna hpa sharin ya ai kun?

  Your answer

• Mara kaba galaw hkrup ai marai langai gaw, Yehowa hte hku hkau lam bai kaja hkra ra ai lam ni hpe galaw ai nga yang, Yehowa a man hta shi a myit masin gara hku byin wa lu ai kun?—1Yh 3:19, 20

  Your answer

• Dawi hte Yehosahpat a labau hpe hti ai, myit sawn sumru ai kaw nna hpunau langai gara hku akyu lu ai kun?

  Your answer